12 окт 07:01
Янгиликлар

Бокс/ММА

BOOOM! Богдан Гусков UFC юлдузи билан жанг қилади, унинг рақиби ўз жамоадоши!

Ўзбекистонлик аралаш яккакураш устаси, яримоғир вазн тоифаси UFC рейтингида 14-ўринни эгаллаб турган Богдан Гусковнинг навбатдаги жанги тафсилотлари маълум бўлди.

Гусков 2025 йилнинг 11 январь куни ташкил этиладиган UFC Fight Night турнири доирасида октагонга қайтади.

Ўша куни Богданга ўз жамоадоши, UFC рейтингида тўққизинчи ўринни банд этиб турган бразилиялик Жонни Уокер рақиблик қилади. Буни Богданнинг мураббийи Гор Азизян ҳам тасдиқлади.

Энг қизиғи, икки спортчи жамоадош ҳисобланади. Улар 32 ёшда. Уокер ҳисобида 21 ғалаба, 9 мағлубият бор. Гусков эса шу кунгача 19 та жанг ўтказиб, 16 ғалаба ва 3 та мағлубият қайд этган.