Бош прокурор Ниғматилла Йўлдошев Ўзбекистон кураш федерацияси раиси бўлди + ФОТО

Бугун Термизда Ўзбекистон кураш федерациясининг навбатдан ташқари ҳисобот-сайлов конференцияси бўлиб ўтди. Унда бош прокурор Ниғматилла Йўлдошевнинг номзоди Ўзбекистон кураш федерацияси раислигига кўрсатилди. Иштирокчилар бир овоздан Ниғматилла Йўлдошев номзодини қўллаб-қувватлашди. Шу тариқа, Н.Йўлдошев Ўзбекистон кураш федерацияси раиси лавозимига сайланди.

Эслатиб ўтамиз, Ўзбекистон кураш федерациясини бундан аввал Ўзбекистон Республикаси собиқ бош прокурори Отабек Муродов бошқарган эди.

Суратлар муаллифи Алимурод Мамадаминов