Boss Open турнири бош соврини Италияга кетди

Ҳал қилувчи финал учрашувида дунёнинг 10-ракеткаси бўлиб турган италиялик Маттео Берреттини ATP рейтингининг 68-поғонасидан жой олиб турган британиялик Энди Маррейга қарши кортга чиқди. 

Бир юз олтмиш дақиқа давом этган баҳсда Маттео тажрибали рақибини 6/3, 5/7, 6/3 ҳисобида мағлуб этиб, Штутгарт турнири чемпионига айланди. 26 ёшли Маттео 19, 35 ёшли Энди эса 7 та эйс зарбани амалга оширган. Теннисчиларнинг ўзаро учрашувларида италиялик ҳисобда олдинга чиқиб олди - 2:1.

Boss Open турниридаги муваффақиятли иштирок Берреттинига 250 рейтингов очкоси ҳамда €105,290 евро мукофот пули келтирди. Бу Маттеонинг фаолиятидаги олтинчи, майса қопламали кортдаги учинчи соврини бўлди. У 2019 йилги Штутгарт турнирида ҳам бош совринни қўлга киритган эди.