24 май 13:15
Янгиликлар

Велоспорт

Бўстонлиқда велоспорт бўйича "Tour of Bostonliq" халқаро турнири ўтказилади

27-31 май кунлари Тошкент вилоятининг Бўстонлиқ тумани велоспортнинг шоссе йўналиши бўйича эркаклар ва аёллар ўртасида халқаро мусобақаларга мезбонлик қилади.

Бўстонлиқда бу сафар 2.2 классификациядаги "Tour of Bostonliq I" ва "Tour of Bostonliq Ladies I" кўп кунлик халқаро турнирлари ташкил этилади.

Эркаклар ўртасидаги беллашувларда дунёнинг еттита профессионал велоспорт клублари, аёллар мусобақасида эса бешта жамоа вакиллари ғолиблик учун кураш олиб боради.

"Tour of Bostonliq" ва "Tour of Bostonliq Ladies" мусобақалари уч босқичдан иборат бўлади, ушбу мусобақа пойгалари 27-29 май кунлари ташкил этилади. "Grand Prix Chorvoq Criterium" ва "Grand Prix Chorvoq Criterium Ladies" мусобақаси эса 31 май куни бўлиб ўтади.