Брэндон Морено UFC'дан хафа бўлган Дейвисон Фигередога "ответ" қилди

"У нимани ўйлаётганини билмайман — ҳақиқатан ҳам пул билан боғлиқ муаммоми ёки шунчаки қўрқоқлик. Уни қўрқяпти демайман, сабаби бу трештокдан чарчадим. Фигередо билан ишни тугутганман. У жанг қилишни истамайди, бори шу. Кай Кара-Франс билан жуда муҳим жанг кутяпти мени, Фигередо эса, умид қиламанки, шу йил сўнгигача биз кўришамиз.

Ҳозир у мўмай пул ишлашни исташини, энг енгил вазнга ўтишини айтяпти, ҳудди кимгадир ғамҳўрлик қилаётгандек. Агар Дейвисон 135 фунт вазнга ўтишга қарор қилса, UFC уни ўз вазнида қолдириш учун кўпроқ пул тўлайди, деб ўйлашингиз мумкин. Аммо бундай бўлмаслиги аниқ", - дея таъкидлаган мексикалик жангчи.

Маълумот учун, Брэндон Морено ва Кай Кара-Франс ўртасидаги жанг 30 июль куни, Далласдаги UFC 277 мусобақаси доирасида бўлиб ўтади.

Аввалроқ, Брэндон Моренони енгиб, ўта енгил вазн чемпионига айланган Дейвисон Фигередо UFC'дан хафалиги ва ўз вазнини ўзгартириш ниятидалиги ҳақида хабар бергандик.