26 июн 10:18
Янгиликлар

Теннис

"Британияликлар тўқнашуви". Энди Маррейда иккинчи ғалаба

Дунёнинг собиқ биринчи ракеткаси Энди Маррей "Британияликлар тўқнашуви" номи остида ўтказилаётган турнирда иккинчи ғалабасига эришди.

Ҳозирда дунё рейтингида 129-поғонадан жой олиб турган британиялик ракетка устаси кўргазмали турнирнинг гуруҳ босқичида иккинчи ғалабасини тантана қилди.

Бу сафар 33 ёшли Маррей ҳамюрти Жеймс Уордга қарши кортга чиқди ва ATP рейтингида 273-ўринни эгаллаб турган тенгдошини 6/3, 7/5 ҳисобида енгди. Маррейнинг ҳисобида 2 ғалаба ва 1 мағлубият бор.