Бруну Фернандеш АПЛда етакчи

Айни пайтга келиб АПЛ жорий мавсумида энг кўп вазият яратган футболчи "Манчестер Юнайтед" сардори Бруну Фернандеш бўлиб турибди. Португалиялик футболчи шериклари учун 70 та вазият яратишга улгурган. Ундан кейинги энг яхши натижани бирданига 3 нафар ўйинчи қайд этиб турибди. 

"Арсенал" вакиллари Мартин Эдегор ҳамда Букайо Сака, шунингдек "Ньюкасл" етакчиси Киран Триппьер бир хил 61тадан вазият яратишган. "Брайтон" аъзоси Паскал Гросс эса 59 та вазият яратган. Энг қизиғи, Бруну энг кўп вазият яратганига қарамай жорий мавсум ассистлари сони бор йўғи 5 та. 

Бу МЮдаги вазиятлардан унумли фойдалана олмаслик муаммоси билан боғлиқ. Вазиятлар яратишда Брунудан паст кўрсаткичга эга Триппьерда 10 та ассист, Гроссда 8, Сакада эса 7 та голли пас бор.

Маълумот учун, Бруну Фернандеш 2020/2021 йилги мавсумда ҳам АПЛда энг кўп 95 та вазият яратган. 2021/2022 йилги мавсумда эса 89 та вазият билан бу борада иккинчи бўлган.

Англия Премьер лигаси турнир жадвали >>>>> АПЛ