Бугун 17.00да Европа лигаси плей-офф босқичига қуръа ташланади

Бу босқичда клублар иккита саватчага ажратилади. Гуруҳ ғолиблари ва ЕЧЛ гуруҳ босқичидан тушган энг кучли 4 клуб биринчи саватчадан ўрин олишади.

Бир мамлакат ва бир гуруҳда ўйнаган клублар ўзаро тўқнаш келишмайди. Бундан ташқари Россия клублари Украинанинг «Шахтер» билан тўқнаш келишмайди.

Биринчи саватча: АПОЭЛ (Кипр), «Аякс» (Голландия), «Бешиктош»*, «Османлиспор», «Фенербахче» (барчаси – Туркия), «Генк» (Бельгия),  «Зенит» (Россия), «Копенгаген» (Дания)*, «Лион», «Сент-Этьен» (иккиси – Франция)*,  «Рома», «Фиорентина» (иккиси – Италия), «Спарта» (Чехия), «Тоттенхэм» (Англия)*,  «Шальке» (Германия), «Шахтер» (Украина).

Иккинчи саватча: АЗ (Голландия), «Андерлехт», «Гент» (иккиси – Бельгия), «Астра» (Руминия), «Атлетик», «Вильярреал», «Сельта» (барчаси – Испания), «Боруссия» Менхенгладбах (Германия)*, «Краснодар», «Ростов»* (иккиси– Россия), «Легия» (Польша)*, «Лудогорец» (Болгария)*, «Манчестер Юнайтед» (Англия), «Олимпиакос», ПАОК (иккиси – Греция), «Хапоэль» Беер-Шева (Исроил).

Қуръа ташлаш маросими Тошкент вақти билан соат 17.00да бошланади.

1/16 финал ўйинлари 16 ва 23 февраль кунлари бўлиб ўтади. Биринчи саватчадан ўрин олган клублар иккинчи ўйиинни ўз майдонида ўтказишади.

Эслатма: *ЕЧЛ гуруҳ босқичида 3-ўринни эгалланган клублар