Бугун 8 нафар таэквондочимиз Россиядаги турнирда жанг қилади

Ушбу мусобақада Ўзбекистон терма жамоаси шарафини 15 нафар спортчи ҳимоя қилмоқда. Мусобақанинг дастлабки кунида 7 нафар таэквондочимиз даянга чиқди ва 4та олтин медални қўлга киритилди. Бугун қолган 8 нафар таэквондочимиз жанг қилади. 

-49кг вазн тоифасида Мадинабону Маннопова қуръага кўра мусобақани иккинчи босқичдан бошлайди. Биринчи босқичдаги Анна Баженова (Қозоғистон) - Василина Подрез (Россия) жангида ғолиб чиққан спортчи Маннопова билан тўқнаш келади. 

-53кг вазн тоифасида юртимиз шарафини ҳимоя қилувчи Чарос Қаюмова ҳам мусобақани иккинчи босқидан бошлайди. Унга Анастасия Митрофанова (Россия) - Биана Лагер (Россия) жуфтлиги ғолибаси рақиб бўлади. 

-57кг вазн тоифасида юртимиз шарафини бир йўла икки таэквондочи ҳимоя қилади. Озода Собиржонова мусобақани россиялик Елизавета Зиминага қарши жанг билан бошлайди. Бу жангда ғолиб чиққан спортчи кейинги босқичда Екатерина Ким (Россия) билан тўқнаш келади. 

Зария Қосимова эса иккинчи босқичда россияли Татьяна Косяевага қарши даянга чиқади. 

-74кг вазн тоифасида жанг қиладиган Хожиакбар Зокиров "Russia Open"ни россиялик Магомед Хизбулаевга қарши баҳс билан бошлайди. Бу баҳс ғолиби Михаил Шестаков (Россия) билан ярим финалга чиқиш учун жанг қилади. 

-80кг вазн тоифасида Никита Рафалович ҳам мусобақага иккинчи босқичдан қўшилади. Ҳамюртимиз Алексей Хоритонов (Россия) - Станислав Мелник (Россия) жангида ғолиб чиққан таэквондочи билан тўқнаш келади. 

Худди шу вазн тоифасида Шуҳрат Салаев чорак финалда россиялик Шамиль Исаков билан тўқнаш келади. 

+87кг вазн тоифасида ўзбекистонлик Шоҳруҳ Ражабов мусобақани чорак финалдан бошлайди. Унга қозоғистонлик Смаил Дуйсебай рақиб бўлади. 

Барча спортчиларимизга омад тилаб қоламиз. 

Ўзбекистон таэквондо WT ассоциацияси матбуот хизмати