13 фев 11:55
Янгиликлар

Теннис

Бугун Абдураимова Алтенкирхендаги юришини бошлайди

Германиянинг Алтенкирхен шаҳрида теннис бўйича W75 тоифасидаги турнирнинг асосий тўр баҳслари бошланиш арафасида.

Мукофот жамғармаси 75 000 долларни ташкил қилувчи мусобақада ҳамюртимиз Нигина Абдураимова ҳам иштирок этади. Қуръа натижасига кўра, мамлакатимизнинг биринчи ракеткаси бугун илк даврада германиялик Элла Сейделга қарши кортга чиқади. Ушбу баҳс бизнинг вақт билан соат 16:00да бошланади.

Таққослаш учун, Абдураимова WTA рейтингида 248, Сейдел 158-ўринни эгаллаб турибди. Орадаги фарқ 90 поғона. Бу теннисчиларнинг ўзаро ўтказадиган илк учрашуви бўлади. Нигина шунингдек, бугун жуфтликлар баҳсида ҳам кортга чиқади.