Бугун Абдураимова Дубайдаги юришини бошлайди, рақиб жиддий!

Мукофот жамғармаси 100 000 АҚШ долларини ташкил этувчи ушбу турнирда ҳамюртимиз Нигина Абдураимова ҳам ўз имкониятини синаб кўради. Мамлакатимизнинг биринчи ракеткаси қуръа натасижасига кўра илк даврада германиялик тажрибали теннисчи Сабин Лисицкига қарши кортга чиқади. 

Лисицки 34 ёшда бўлиб, фаолияти давомида икки бор (бири яккаликда, иккинчиси жуфтликда) "Катта Дубулға" туркумига кирувчи Уимблдон турнири вице-чемпионига айланган. Саккизта WTA турнирида бош совринни қўлга киритган. 

Таққослаш учун, Абдураимова WTA рейтингида 246, Лициски эса 284-ўринни эгаллаб турибди. Ушбу учрашув бизнинг вақт билан соат 15:00да бошланади. Бу теннисчиларнинг ўзаро ўтказадиган илк учрашуви бўлади.