21 май 07:43
Янгиликлар

Теннис

Бугун Абдураимова "Ролан Гаррос"даги иштирокини бошлайди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнирининг саралаш баҳслари старт олмоқда.

Мусобақанинг аёллар ўртасидаги баҳсларида ҳамюртимиз Нигина Абдураимова ҳам ўз имкониятини синаб кўради. Мамлакатимизнинг биринчи ракеткаси саралашнинг илк босқичида Янги Зеландия вакиласи Лулу Санга қарши кортга чиқади.

Таққослаш учун, Абдураимова WTA рейтингида 303, Сан эса 128-ўринни эгаллаб турибди. Ушбу учрашув бизнинг вақт билан соат 16:00да бошланади. Бу теннисчиларнинг ўзаро ўтказадиган илк тўқнашуви бўлади. Лули охирги ўтказган 5 та учрашувининг барчасида ғалаба қозонган. Нигина эса кетма-кет иккита учрашувда мағлубиятга учраган.