Бугун Берлинда бошланадиган турнирга қуръа ташланди

Bett1 Aces турнири чим қопламали кортда ўтказилиб, унда дунёнинг кўзга кўринган теннисчилари ўзаро баҳс олиб боради. Дунёнинг учинчи ракеткаси, австриялик Доминик Тим ҳамда италиялик Маттео Берреттини ярим финалдан баҳсларга киришишади. 

Тим финал остонасида германиялик Томми Хаас ёки италиялик Янник Синнер билан тўқнаш келади. Берреттини эса испаниялик Роберто Баутиста-Агут ва германиялик Ян-Леннард Штруфф учрашуви ғолиби билан учрашади.

Аёллар ўртасидаги турнирда украиналик Элина Свитолина ҳамда нидерландиялик Кики Бертенс 1/2 финалдан ўз иштирокларини бошлайди. Свитолинанинг рақибаси латвиялик Анастасия Севастова ҳамда германиялик Юлия Гёргес учрашувидан сўнг аниқланади. Бертенс эса чехиялик Петра Квитова ёки германиялик Андреа Петкович билан учрашади.