Бугун Испания Суперкубогининг биринчи учрашуви бўлиб ўтади

Ушбу соврин учун учрашувлар 1982 йилдан бери ўтказиб келинмоқда. Аммо 1940-1953 йиллар давомида Испания лигаси чемпиони ҳамда Кубок соҳиби ўртасида “Copa Eva Duarte” номли турнир бўлиб ўтар эди.

“Барселона” Испания Суперкубогини энг кўп қўлга киритган жамоа ҳисобланади. Каталонияликлар 20 та совриннинг 9 тасини қўлдан чиқаришган. Кейинги ўринларни “Реал” (14 та иштирок, 9 та ғалаба), “Депортиво” (3 та иштирок, 3 та ғалаба), “Атлетико” (6 та иштирок, 4 та ғалаба), “Атлетик” (4 та иштирок, 2 та ғалаба) ва бошқалар эгаллаб турибди.

Испания Суперкубоги учун баҳс 2 та учрашувдан иборат бўлади. Ушбу соврин учун кураш мамлакат чемпиони ҳамда Испания Кубоги соҳиби ўртасида ўйналади. Агар бир жамоа мамлакат чемпиони ҳамда Кубогини қўлга киритган бўлса, Испания Кубоги финалчиси Суперкубокда иштирок этади.

Ушбу соврин учун илк баҳс “Севилья”нинг уй аренаси “Рамон Санчес Писхуан” стадионида бўлиб ўтади. Жавоб учрашувини “Камп Ноу” қабул қилади (17 август).

Биринчи ўйин

14дан 15 августга ўтар кечаси. 01:00. “Севилья” – “Барселона” (Матч!Футбол2 LIVE)

Иккинчи ўйин

17дан 18 августга ўтар кечаси. 02:00 “Барселона” – “Севилья” (Матч!Футбол2 LIVE)