07 июн 06:00
Янгиликлар
Теннис
Бугун Истомин Штутгартда Штепанекка қарши кортга чиқади
Бугун мамлакатимизнинг биринчи ракеткаси Денис Истомин Германиянинг Штутгарт шаҳрида давом этаётган нуфузли Мersedes Cup турниридаги иштирокини бошлайди.
Ҳамюртимиз биринчи даврада чехиялик Радек Штепанекка қарши кортга чиқади.
Таққослаш учун, Истомин дунё рейтингида 64, 37 ёшли Радек эса 31-ўринни эгаллаб турибди. Агар Истомин Штепанекнинг тўсиғидан муваффақиятли ўтиб олса, иккинчи босқичда Марин Чилич билан тўқнаш келади. Турнирда хорватиялик теннисчи иккинчи рақам остида таснифланган бўлиб, ўз иштирокини тўғридан-тўғри иккинчи даврадан бошлайди.
Штутгарт турнирининг мукофот жамғармаси 675 минг 645 еврони ташкил қилади. Ғолиб теннисчи ўз ҳисобига 107,900 евро мукофот пули ҳамда 250 рейтинг очкосини ёзиб қўяди. Биринчи даврада кортга чиққан барча теннисчилар натижадан қатъий назар 6120 еврога эга бўлишади.
Ҳавола :
Манба : olamsport.com
Фикрлар