10 ноя 13:13
Янгиликлар

Теннис

Бугун Лондонда ATP Якуний турнири старт олади

Бугун Буюк Британиянинг Лондон шаҳрида теннис бўйича йилнинг Якуний ATP чемпионати бошланади.

Турнирда яккалик ва жуфтлик рейтингида кучли саккизталикдан жой олган ракетка усталари ўзаро бош соврин учун кортга чиқишади. Бугунги баҳсларни жуфтлик учрашуви бошлаб беради.

Лондондаги “O2 Arena”да Ражив Рам ва Жо Сэлисбери (АҚШ/Буюк Британия) - Равен Клаасен ва Майкл Винус (ЖАР/Янги Зеландия) учрашуви бўлиб ўтади.

Шундан сўнг Новак Жокович (Сербия) - Маттео Берреттини (Италия), жуфтликда Лукаш Кубот ва Марсело Мело (Польша/Бразилия) - Иван Додиг ҳамда Филип Полясек (Хорватия/Словакия), Рожер Федерер (Швейцария) - Доминик Тим (Австрия) учрашувлари ўтказилади.