Бугун Мадияр Саидраҳимов Жаҳон терма жамоаси таркибида рингга чиқади

"ВТБ Арена" мезбонлик қиладиган бокс кечасида "Динамо" ҳамда Жаҳон бокс терма жамоалари ўзаро рингда тўқнаш келади. Турнир 7 та олимпия вазн тоифасида ўтказилади. Жанглар 3 дақиқадан 3 раунд этиб белгиланган. Боксчилар бугунги жанг олдидан тарозидан ўтиш маросимида ҳозир бўлишди. 

Биз учун аҳамиятлиси, жаҳон бокси юлдузлари терма жамоаси таркибида ҳамюртимиз Мадияр Саидраҳимов ҳам жанг ўтказади. -92 кг вазн тоифасидаги чарм қўлқоп устамиз мезбон боксчи Рамазан Дадаевга қарши рингга кўтарилади. Мадияр жаҳон ва Осиё чемпионати совриндори ҳисобланади. 

"Динамо" ва жаҳон терма жамоалари ўртасидаги жанг жуфтликлари:

-51 кг: Эдмонд Худоян – Хуниор Алькантара (Доминикан Республикаси, Париж-2024 Олимпиадаси бронза медали совриндори);

-57 кг: Эдуард Саввин – Искандер Харсан (Қозоғистон, проф рекорди — 9-2-1, КО 6);

-63,5 кг: Илья Попов – Александр Парашив (Молдова, Европа чемпионати кумуш ва бронза медаллари совриндори);

-71 кг: Игорь Свиридченков – Стив Куленгулука (Конго, амалдаги Африка чемпиони. Проф рекорди – 5-0, КО 4);

-80 кг: Егор Шапочанский – Киттипонг Цзянь Хао Хо (Сингапур, Осиё чемпиони, проф рекорди – 8-1-1, КО 7);

-92 кг: Рамазан Дадаев – Мадияр Саидраҳимов (Ўзбекистон, жаҳон ва Осиё чемпионати совриндори);

+92 кг: Ярослав Дороничев – Мвого Амугу (Камерун, амалдаги Африка чемпиони).