Бугун Осиё чемпионатида 5 нафар юнон-рум курашчимизга мухлислик қиламиз

Бугундан қитъа чемпионатида юнон-рум кураши бўйича беллашувлар бошланади. Мусобақанинг бешинчи куни классиклар ўртасида 5 та вазн тоифасида ғолиб ва совриндорлар номи маълум бўлади. 

Бугунги муросасиз кечиши кутилаётган баҳсларда Жасурбек Ортиқбоев (-55 кг), Исломжон Баҳромов (-63 кг), Дониёрхон Накибов (-77 кг), Раҳимжон Узоқов (-87 кг) ва Ислом Раҳматов (72 кг)га мухлислик қиламиз. 

Классикларимиз учун қуръа натижаси:   

-55 кг: 1/4 финал. Жасурбек Ортиқбоев - Нурзат Кабдираҳимов (Қозоғистон)/Кагетора Окамото (Япония)

-63 кг: Квалификация раунди. Исломжон Баҳромов - Дастан Кадиров (Қирғиз Республикаси)

-77 кг: Квалификация раунди. Дониёрхон Накибов - Базаргелди Езимов (Туркманистон)

-87 кг: 1/4 финал. Раҳимжон Узоқов - Суҳроб Абдулҳаев (Тожикистон) 

-130 кг: Квалификация раунди. Ислом Раҳматов - Меҳар Сингҳ (Ҳиндистон)