16 ноя 14:52
Янгиликлар

Спорт курашлари

Бугун Ўзбекистон чемпионати олдидан ҳакамлар учун семинар ўтказилади

Эртага Навоий шаҳридаги Яккакураш турларига ихтисослаштирилган болалар ва ўсмирлар спорт мактабида спорт курашлари бўйича катталар ўртасидаги Ўзбекистон чемпионати бошланади.

Йилнинг энг асосий мусобақасини одатдагидек юнон-рум курашчилар бошлаб беришади. Бугун эса Ўзбекистон чемпионатида ҳакамлик қилувчи реферилар ҳам семинар ташкил этилади. Уни халқаро тоифадаги олимпия ҳаками, Ўзбекистон спорт курашлари ассоциацияси ҳакамлар қўмитаси раиси, "Олтин ҳуштак" соҳиби Тоҳир Ғуломов олиб борадилар.

Чемпионат баҳсларида 30 нафар рефери ҳакамлик қилади. Тоҳир Ғуломов бошчилигидаги халқаро тоифадаги рефериларимиз маҳаллий ҳакамларимиз учун маҳорат сабоқларини ҳам намойиш этишади. Куннинг иккинчи ярмида эса мураббийлар учун семинар ўтказилади.