Бугун Қозоғистонда Naiza 73 турнири ўтказилади. Ҳумоюн Тўхтамуродовнинг жанги бекор бўлган кечада Муҳаммаджон Қурбонов октагонга чиқади

Мусобақа доирасида енгил вазн тоифасида фаолият олиб борувчи ўзбекистонлик таниқли аралаш яккакураш устаси Ҳумоюн Тўхтамуродов (12-5) арманистонлик Камо Унаньян (7-0) билан баҳс олиб бориши керак эди. Бироқ Тўхтамуродов номаълум сабабларга кўра, ушбу жангда иштирок этмаслиги маълум бўлди. Унаньянга эса бошқа рақиб берилди.

Шундай бўлса-да, Naiza 73 турнирида бошқа бир ҳамюртимиз — ярименгил вазн тоифасида Octagon League собиқ чемпиони Муҳаммаджон Қурбонов иштирок этади. Қурбоновга бразилиялик Робсон Кавальканте рақиблик қилади.

Маълумот учун, 33 ёшли Муҳаммаджон Қурбонов фаолияти давомида 16 та жанг ўтказиб, 12 ғалаба ва 4 та мағлубият қайд этган. У 2023 йил октябрь ойида Octagon League'даги сўнгги жангини ўтказган бўлса, орадан бир йилдан кўпроқ вақт ўтиб, Таиландда жанг қилди. Кавальканте ҳисобида эса 25 та ғалаба ва 18 та мағлубият бор.

Турнир бизнинг вақт билан соат 18:00 да старт олади.