Бугун шахмат бўйича жаҳон Кубогида 1/2 финал баҳслари ўтказилади

Бугун эркаклар ўртасидаги баҳсларда 1/2 финал учрашувлари бошланади. Илк жуфтликда мусобақа кашфиётига айланган озарбайжонлик Нижат Абасов собиқ жаҳон чемпиони, норвегиялик Магнус Карлсенга қарши дона суради. Илк партияда Абасов қора доналарда ўйнайди. 

Маълумот учун, Нижат Абасов ярим финалга қадар Родуэл Макото (Зимбабве), Лоран Фрессине (Франция), Аниш Гири (Нидерландия), Петр Свидлер (ФИДЕ), Салех Салем (БАА) ҳамда Сантош Видит Гуджарати (Ҳиндистон)ни мағлубиятга учрата олди. 

Жаҳон Кубоги чемпионлик тожи учун саралаш вазифасини ҳам ўтаб беряпти. Кучли учликдан жой олган гроссмейстерлар даъвогарлар мусобақасига йўлланмани қўлга киритади. Бугун ўтказиладиган иккинчи 1/2 финалда америкалик Фабиано Каруана ҳиндистонлик Рамешбабу Праггнанандҳага қарши оқ дораларда ҳаракат қилади.  

Жаҳон Кубоги. Эркаклар. 1/2 финал. Биринчи партия

Магнус Карлсен (Норвегия) – Нижат Абасов

Фабиано Каруана (АҚШ) – Рамешбабу Праггнанандха (Ҳиндистон)