Бугун таэквондо "таваллуд" топган кун

1955 йилнинг айнан шу кунида генерал Чой Хон Хи бутун дунёга таэквондини тақдим этган. Корейсчадан таржима қилганда таэ - оёқ ёки оёқ зарбаси, квон- қўл ёки қўл зарбаси, До - йўл (бирдамлик)ни англатади. Демак, таэквон-до -бу қўл ва оёқ йўли ёки қўл ва оёқ бирдамлигидир. 

1966 йилда Таэквон-до (ITF) бутун жаӽон бўйлаб тараққий эта бошлади. Шу йилнинг ўзида ӽалқаро Таэквон-до федерацияси ташкил этилди ва унинг бош штаб квартираси Австриянинг Вена шаҳрида иш бошлади.

Ҳозирги кунда Таэквон-до (ITF) билан дунёнинг 214 та давлатида 100 миллиондан зиёд спортчилар шуғуланмоқда.

Ўзбекистонда таэквон-до (ITF) 1989 йилдан бери фаолият кўрсатиб келмоқда. Шу муносабат билан таэквондочиларимизни Ўзбекистон Таэквондо ИТФ Миллий Ассоциацияси номидан табриклайман.

Ҳурмат билан Ўзбекистон Таэквондо ИТФ Миллий Ассоциация президенти Лазиз Ҳасанов!