20 мар 12:31
Янгиликлар
Шахмат
Бугун Тошкентда яна бир нуфузли шахмат турнири старт олади (1-тур жуфтликлари)
Ўзбекистонлик биринчи гроссмейстер Георгий Агзамов хотирасига бағишлаб ўтказиб келинаётган халқаро турнир бу йил 18-маротаба ташкил этиляпти.
Мукофот жамғармаси 75 000 АҚШ долларини ташкил қилувчи турнир швейцарча тизимда 10 турдан иборат бўлади. Иштирокчилар икки гуруҳда совринли ўринлар учун баҳс олиб боришади. Асосий ҳисобланган А гуруҳида 1800 ва ундан юқори рейтингли шахматчилар жам бўлган. В гуруҳида эса рейтинги 1999 ва ундан паст бўлган иштирокчилар дона суради.
Кучлилар жам бўлган А гуруҳида ҳиндистонлик халқаро гроссмейстер Ниҳал Сарин (2687) биринчи рақам остида сараланган. Ёш гроссмейстеримиз Шамсиддин Воҳидов иккинчи рақамли шахматчи сифатида таснифланган. Соат 14:00да бошланадиган 1-тур учрашувида Сарин оқ доналарда ўзбекистонлик шахматчи Беҳруз Умаровга, Шамсиддин эса яна бир вакилимиз Азамат Дауриметовга қарши қора доналарда ўйнайди.
Ҳавола :
Манба : olamsport.com
Фикрлар