Буни кўриш шарт! Португалия чемпионатида футболда кам учрайдиган ҳолат юз берди + ВИДЕО

Коронавирус туфайли “Белененсеш”нинг 17 футболчиси карантинда бўлгани учун баҳсда қатнашолмади. Жамоа мамлакат футбол федерацияга ўйинни бошқа кунга қолдириш бўйича сўров юборган, аммо ариза қаноатлантирилмаган. Натижада мезбонлар лиссабонликларга қарши баҳсни 9 киши бўлиб бошлашга мажбур бўлишди.

Илк таймда “Бенфика” рақиб дарвозасига жавобсиз 7 та тўп киритди. “Белененсеш” 2-бўлимга етти футболчи билан чиқиб келди ва ҳакам хуштаги чалиниши билан улардан бири жароҳат олгани ҳамда ўйинни давом эттиролмаслигини маълум қилди. Шу тариқа, бош ҳакам “Насьональ”даги “томоша”ни муддатидан олдин тўхтатиб, мезбонларга 0:3 ҳисобидаги техник мағлубиятни ёздирди.