18 дек 09:14
Янгиликлар

Дзюдо

Бухоро кичик ёш тоифасидаги Ўзбекистон чемпионатига мезбонлик қилди

15-17 декабрь кунлари Бухородаги спорт мактаби манежида Болалар ва ўсмирлар спорт мактаблари ўртасида Ўзбекистон чемпионати бўлиб ўтди.

U13 ва U15 ёш тоифасидаги дзюдочилар ўртасида ташкил этилган мамлакат биринчилигида Қорақалпоғистон Республикаси, барча вилоятлар ҳамда Тошкент шаҳрида фаолият юритаётган Болалар ва ўсмирлар спорт мактабларининг иқтидорли дзюдочилари бир нечта вазн тоифасида ўзаро беллашишди.

Жами 431 нафар дзюдочи қатнашган Ўзбекистон чемпионатининг 13 ёшлилар баҳсида мезбонлар умумжамоа ҳисобида биринчи ўринни эгаллашди. Кучли учликдан Самарқанд ва Қашқадарё БЎСМ жамоалари жой олишди.

Эътиборлиси, умумий иштирокчиларнинг 172 нафарини қиз болалар ташкил этди. Бу қувонарли ҳол, албатта. U15 ёш тоифасидаги Ўзбекистон чемпионатида Навоий вилояти жамоаси ғолиблик шоҳсупасига кўтарилди. Кучли учликни Хоразм ва Самарқанд вилояти ёш дзюдочилари якунлаб беришди.