Бухорода кураш мусобақаси ғолиблари аниқланди

Унда вилоят ҳокими Ботир Зарипов, вилоят прокурори Улуғбек Ҳамдамов, спортсевар ёшлар, спорт мураббийлари ҳамда фахрийлари қатнашди. Тадбирда мамлакатимизда жисмоний тарбия ва спортнинг оммавийлигини ошириш, аҳоли, айниқса, маҳаллалардаги ёшлар ўртасида кенг тарғиб этиш борасида амалга оширилаётган ишлар тилга олинди. 

Айниқса, “Беш ташаббус олимпиадаси” мусобақаларининг ташкил қилинаётгани алоҳида эътироф этилди.  

“Бош прокурор кубоги” мусобақасининг вилоят босқичида маҳалла, сектор, шаҳар-туманлар босқичидан муваффақиятли ўтган 200 нафарга яқин ўғил-қизлар ғолиблик учун беллашди. Хусусан, ўғил болалар 5 та вазнда, қизлар эса 4 та вазн тоифасида мусобақада иштирок этди.  

Қизиқарли баҳсларга бой ўтган финал мусобақаларидан ўз вазнида тенгсиз деб топилган ёшлар муносиб тақдирланди. Бундан ташқари, “Беш ташаббус олимпиадаси” доирасида кураш спорт тури бўйича “Бош прокурор кубоги” мусобақасини ташкил этишда жонбозлик кўрсатган туман, шаҳар секторлар раҳбарлари ва масъулларга вилоят ҳокимининг ташаккурномаси топширилди.