Бухорода волейбол бўйича “Баркамол авлод спорт жамоалари” мусобақаси якунланди

Мусобақада Қорақалпоғистон Республикаси, Тошкент шаҳри ва вилоятлардан 14 та жамоа ғолиблик учун кураш олиб борди.

Мазкур спорт мусобақалари Ўзбекистон Миллий Олимпия қўмитасининг ташаббуси билан Ўзбекистон Республикаси Жисмоний тарбия ва спорт вазирлиги, Ўзбекистон Республикаси олий ва ўрта махсус таълим вазирлиги, Ўрта махсус, касб-ҳунар таълим маркази, Ўзбекистон “Баркамол авлод” жисмоний тарбия ва спорт жамияти Марказий кенгаши билан ҳамкорликда ташкил этилди.

Касб-ҳунар таълим муассасаларида таҳсил олаётган ўқувчилар ўртасидаги ушбу мусобақаларининг финал беллашувлари чин маънода спорт байрамига айланди. Жамоаларнинг ғалабага бўлган иштиёқи кучлилиги боис, ҳар бир ўйинлар муросасиз ва шиддатли кечганини қайд этиб ўтишимиз лозим.

Мусобақа якунига кўра Андижон жамоаси биринчи ўринни қўлга киритди. Хоразм ва Наманган вилояти жамоаси қизлари мос равишда иккинчи ва учинчи ўринни банд этдилар.