Candidates Tournament 2024. Қўшҳокимлик давом этади + ЖАДВАЛ

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожига даъвогар номини аниқлаб бериш учун ўзаро дона суришяпти. 

Мукофот жамғармаси 500 000 еврони ташкил қилувчи мусобақанинг эркаклар ўртасидаги баҳсларида америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Кеча ўтказилган 9-турнинг 3 та партиясида томонлар муросага келишди. Фақат битта партияда Видит Гуджрати пешқадамлар сафида бораётган америкалик Хикару Накамурани мағлуб этишни уддалади. Турнир жадвалида қўшҳокимлик қилиб келаётган Доммараджу Гукеш ва Ян Непомняший ўз партияларида дурангга имзо чекишди. 

Эслатиб ўтамиз, 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. 

Candidates Tournament 2024. 9-тур натижалари

Алиреза Фируджа (Франция, 2760) — Ян Непомнящий (FIDE, 2758) — 1/2:1/2

Гукеш Доммараджу (Ҳиндистон, 2743) — Рамешбабу Прагнанандха (Ҳиндистон, 2747) — 1/2:1/2

Нижат Абасов (Озарбайжон, 2632) — Фабиано Каруана (АҚШ, 2803) — 1/2:1/2

Видит Гуджрати (Ҳиндистон, 2727) — Хикару Накамура (АҚШ, 2789) — 1:0

9-турдан кейинги турнир жадвалидаги ҳолат:

1-2. Ян Непомняший, Гукеш – 5,5 очкодан

3. Прагнанандҳа – 5 

4-6. Каруана, Накамура, Видит – 4,5

7. Фируджа – 3,5

8. Абасов – 3.

Candidates Tournament 2024. 10-тур жуфтликлари

Хикару Накамура (АҚШ, 2789) — Нижат Абасов (Озарбайжон, 2632)

Фабиано Каруана (АҚШ, 2803) — Алиреза Фируджа (Франция, 2760) 

Ян Непомнящий (FIDE, 2758) — Гукеш Доммараджу (Ҳиндистон, 2743) 

Рамешбабу Прагнанандха (Ҳиндистон, 2747) — Видит Гуджрати (Ҳиндистон, 2727) 

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.