Candidates Women Tournament 2024. Дурангсиз турдан сўнг пешқадам ўзгармади + ФОТО

Аёл шахматчилар ўртасидаги баҳсларда хитойликлар Лэй Тинцзе, Тань Чжунъи, ҳиндистонликлар Хампи Конеру, Рамешбабу Вайшали, украиналик Анна Музичук, болгариялик Нургюл Салимова, FIDE байроғи остида иштирок этаётган Александра Горячкина ва Катерина Лагно тож даъвогарини аниқлаб бериш учун баҳс олиб боряпти.

Олтинчи турнинг барча партияларида бир томоннинг ғалабаси кузатилди. Ҳеч бир партияда дуранг натижа қайд этилмади. Пешқадам хитойлик Тан Чжунъи оқ доналарда украиналик Анна Музичукни таслим этди. FIDE байроғи остида қатнашаётган россиялик Александра Горячкина қора доналарда ўйнашига қарамай, болгариялик Нургюл Салимовада устун келди. 

Еттинчи тур олдидан Тан 4,5 очко билан турнир жадвалидаги пешқадамлигини сақлаб қолди. Горячкина ҳисобида 4 очко бор. Кучли учликка Екатерина Лагно 3,5 очко билан якун ясаган. Бугун айнан 7-турда Тан энг яқин таъқибчиси Горячкинага қарши қора доналарда баҳс олиб боради.  

Candidates Women Tournament 2024. 6-тур натижалари

Рамешбабу Вайшали (Ҳиндистон) — Екатерина Лагно (FIDE) – 0:1.

Хампи Конеру (Ҳиндистон) — Лэй Тинцзе (Хитой) – 0:1.

Тань Чжунъи (Хитой) — Анна Музичук (Украина) – 1:0.

Нургюл Салимова (Болгария) — Александра Горячкина (FIDE) – 0:1.

Candidates Women Tournament 2024. 7-тур жуфтликлари (11 апрель)

Екатерина Лагно (FIDE) — Нургюл Салимова (Болгария) 

Александра Горячкина (FIDE) — Тань Чжунъи (Хитой) 

Анна Музичук (Украина) — Хампи Конеру (Ҳиндистон)

Лэй Тинцзе (Хитой) — Рамешбабу Вайшали (Ҳиндистон)

Маълумот учун, Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги аёллар ўртасидаги турнирга тегишли. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.