Cауль Альварес ва унинг рақиби тарозига чиқди, эртага жанг + ФОТО

Бугун оқшом иштирокчилари тарозидан ўтказилди. Кечанинг марказий жанги иккинчи ўрта вазнда WBA Super ва WBC йўналишлари чемпиони, мексикалик афсона Сауль "Канело" Альварес ҳамда туркиялик даъвогар Авни Йилдирим ўртасида бўлиб ўтади. Тарози маросимида ҳар икки боксчи ҳам бир хил вазн кўрсатишди — 76,0 кг. 

Эслатиб ўтамиз, Альварес ўзининг сўнгги жангини 2020 йилнинг декабрида Каллум Смитга қарши ўтказиб, рақибини очколар ҳисобига кўра мағлубиятга учратган ҳолда иккинчи ўрта вазн чемпионига айланганди. Йилдирим эса 2019 йилнинг февралида Энтони Дирреллга имкониятни бой берган эди. 

Эътиборга молик жиҳати шундаки, Сауль Альвареснинг кейинги жанги ҳам деярли аниқ бўлиб улгурган. У май ойида WBO чемпиони Билли Жо Сондерсга қарши рингга кўтарилади.

Мавзуга алоқадор: Тавсия қиламиз: Канелонинг янги жанги томошабинлар учун ажойиб завқ. Унинг рақиби тажовузкор ва Альварес бундайларни ёқтиради