Cергей Фомин Қозоғистондаги турнирнинг 1/2 финалида

Мукофот жамғармаси 15 000 АҚШ долларини ташкил этувчи ушбу мусобақада тўрт нафар теннисчимиз ўз иштирокини бошлаган бўлса, улардан биргина Сергей Фомин 1/2 финалга етиб келди. 

Ўзбекистоннинг иккинчи ракеткаси 1/4 финалда россиялик Иван Денисовга қарши кортга чиқди. Бу теннисчи рейтингнинг 1123-поғонасидан жой олганди. Биринчи сет тай-брекда 7/6(5) ҳисобида Фомин фойдасига ҳал бўлди. Иккинчи сетни 2/5 ҳисобида бой бераётган россиялик теннисчи баҳсни давом эттира олмаслигини маълум қилди. 

Шу тариқа, ATP рейтингида 615-ўринни эгаллаб турган ҳамюртимиз 1/2 финалга йўл олди. Бугун турнирда учинчи рақам остида таснифланган Сергей Фомин финал чиптаси учун яна бир рус теннисчиси, рейтингнинг 870-поғонасида бораётган Максим Жуковга қарши кортга чиқади.