Чақирув Кубоги. 43 ёшли Чусовитина олтин медал соҳибаси!

Ушбу мусобақада қатнашган ҳамюртимиз Оксана Чусовитина бутун дунёни лол қолдиришда давом этмоқда. 19 июнь куни 43 ёшни қаршилайдиган Чусовитина ўзининг севимли таяниб сакраш машқларида энг юқори балл билан олтин медални қўлга киритди. 

Словениялик Тьяса Кисселеф кумуш, россиялик Виктория Трикина бронза медалига сазовор бўлди. Оксана Чусовитина 7та Олимпиадада иштирок этган курраи заминимиздаги ягона спортчи ҳисобланади. У саккизинчи Олимпиадасига тайёргарлик кўряпти. 

Спорт гимнастикаси. Чақирув Кубоги

Осиек, Хорватия. Аёллар. Таяниб сакраш

1. Оксана Чусовитина (Ўзбекистон) – 14,233

2. Тьяса Кисселеф (Словения) – 13,800

3. Виктория Трикина (Россия) – 13,733