Чарльз Оливейра иккинчи камар учун вазнини ўзгартириш эҳтимолини истисно қилмади

"Баъзида раҳбарият билан гаплашиб, 65,8 кгга тушиш ҳақида ўйлайман, лекин ҳали ҳам бу вазнни қила оламанми — билмайман. Менимча, 77,1 кгга кўтарилиш осонроқ бўларди. Агар Конор Макгрегор билан жанг бўлса, ном ва тарих учун яхши имконият бўларди. Лекин ҳозир бутун эътиборим енгил вазнга қаратилган. Ҳозир ғалаба қозониб, яна чемпионлик жанги имкониятини олиш.

Менимча, 65,8 кг вазн меъёрини ҳали ҳам қила оламан. Агар бу камар учун бўлса… Билмайман, бу туш эди ёки хаёлим. Ҳозир BMF камарини ютаман, кейин йил охирида енгил вазнда чемпионлик учун жанг қиламан, кейин иккала камардан воз кечиб, 65,8 кгга тушиб у ердаги титул учун жанг қиламан. Лекин билмадим, туш кўрдимми ёки ақлдан оздимми. Кўрамиз", — деди Оливейра.