Чавандозларимиз Европа ареналарида муваффақиятли иштирок этишмоқда

Унда йилқичилик ва от спорти федерацияси вице-президенти Феруз Абдуллаев, Ўзбекистон замонавий бешкураш федерацияси раиси Баҳромжон Газиев ҳам чавандоз бўлиб ўз маҳоратларини синаб кўришди. Шунингдек, спортчимиз Абдураҳмон Абдуллаев ҳам мусобақада юртимиз шарафини ҳимоя қилди. 

Турнирнинг иккинчи ҳафталигида юртдошларимиз дунёнинг 20 дан ортиқ мамлакатидан ташриф буюрган 80 дан ошиқ спортчилари билан беллашишди. Баҳслар якунига кўра баландлиги 110-150 см бўлган тўсиқлардан ўтиш беллашувларида Абдураҳмон Абдуллаев мусобақанинг кумуш ва бронза медалларига сазовор бўлди. Ушбу мусобақада Бахромжон Газиев чавандоз сифатида мусобақанинг кучли бешлигидан ўрин олди.

Эслатиб ўтамиз, чавандозларимиз олти бош спорт отлари билан Европа ареналарида ўз иштирокларини давом эттиришмоқда.