26 май 11:57
Янгиликлар
Футбол
“Челси” яқин соатларда янги бош мураббий номини эълон қилади
“Наполи”нинг собиқ устози Маурицио Сарри “Челси” бош мураббийи лавозимини эгаллашга яқин турибди.
Лондон клуби ушбу янгиликни яқин соатларда эълон қилиши кутилмоқда, дея хабар бермоқда Sport Mediaset нашри.
Маълум бўлишича, “Челси” Саррига тўрт йиллик шартнома ва йилига 6 миллион евро маош таклиф этган. Айни пайтда клуб раҳбарияти 59 ёшли мутахассиснинг вакиллари билан шартноманинг сўнгги деталларини муҳокама қилишмоқда.
“Челси” хўжайини Роман Абрамович маслаҳатчиси Марина Грановскаяга жараённи тезлатишни ва бу келишув бугун энг узоғи билан эртага ниҳоясига етказиш борасида топшириқ берган.
Таъкидлаш жоизки, Саррининг айни пайтда “Наполи” билан шартномаси мавжуд. Лондон клуби шартномада кўрсатилган 8 миллион евролик товон пулини тўлаб беришга тайёр.
Ҳавола :
Фикрлар