15 июл 09:58
Янгиликлар

Теннис

Чемпион Алькараз ва вице-чемпион Жокович "Уимблдон"даги иштирокларидан қанча ишлаб олишди?

Кеча Лондон шаҳрида икки ҳафта давом этган теннис бўйича "Катта Дубулға" туркумига кирувчи Уимблдон турнири ўз якунига етди.

Ҳал қилувчи финал учрашувида дунёнинг учинчи ракеткаси Карлос Алькараз ATP рейтингида ўзидан бир поғона юқорида бораётган сербиялик Новак Жоковични уч сет натижасига кўра ортиқча қийинчиликсиз мағлубиятга учратди - 6/2, 6/2, 7/6(4).

Шу тариқа, испаниялик теннисчи "Уимблдон"даги ўтган йилги чемпионлик унвони ва очколарини ҳимоя қилди. Алькараз ўтган йилги финалда ҳам айнан Новак Жоковични мағлуб этган эди. У икки ҳафталик меҳнатидан 2000 рейтинг очкоси ҳамда 2 миллион 700 минг фунт стерлинг миқдорида мукофот пули ишлаб олди. Жокович эса 1300 очко ва 1 миллион 400 минг фунтлик бўлди.