07 сен 13:54
Янгиликлар

Бокс/ММА

Чемпион ҳамюртимиз Кореяда яна бир камарни қўлга киритди ФОТОГАЛЕРЕЯ

Ҳозиргина Жанубий Кореянинг Пажу шаҳридаги "Unjeong Gymnasium"да ўтказилган профессионал бокс кечаси якунланди.

Оқшомнинг марказий жанги ҳамюртимиз Ҳусниддин Пўлатов иштирокида кечди. Ҳусниддин вакант бўлиб турган WBA Asia чемпионлик камари учун кореялик Ин Дак Сеога қарши рингга кўтарилди. Ўн икки раундга мўлжалланган жанг бешинчи уч дақиқаликда якунланди. Пўлатов рақибини нокаутга учратди.

Маълумот учун, Дак Сео проф рингда бугунгиси билан қўшиб ҳисоблаганда 16 та жанг ўтказган. Жангларнинг 12 тасида ғалаба қозонган. Еттита жангда рақибларини нокаутга учратган. Бугун иккинчи мағлубиятини қабул қилиб олди. Ҳисобида иккита дуранг бор.

Ҳусниддин Пўлатов эса бугун 11-жангини ўтказди. Ғалабага эришган 8 та жангидан 6 тасида рақибларини нокаут эвазига таслим этган. Учта жангда мағлубиятга учраган.