16 июл 16:28
Янгиликлар

Бокс/ММА

Чемпион Райан Гарсиянинг кейинги жанги расман эълон қилинди

Америкалик боксчи, ярим ўрта вазнда WBC чемпиони Райан Гарсия кейинги жангини британиялик Конор Беннга қарши ўтказади.

Жанг 12 сентябрь куни АҚШнинг Лас-Вегас шаҳридаги T-Mobile Arena мажмуасида бўлиб ўтади. Ушбу тўқнашув Райан Гарсия учун WBC ярим ўрта вазн тоифасидаги чемпионлик камарининг илк ҳимояси бўлади. Расмий маълумотга кўра, оқшом Zuffa Boxing томонидан ташкил этилади.

27 ёшли Гарсия профессионал фаолияти давомида 27 та жанг ўтказиб, 25 ғалаба (20 нокаут) ва 2 мағлубият қайд этган. У жорий йил февраль ойида Марио Барриосни мағлуб этиб, ярим ўрта вазн тоифасида WBC жаҳон чемпионлик камарини қўлга киритганди.

Унинг рақиби, 29 ёшли Конор Бенн ҳисобида эса 25 ғалаба (14 нокаут) ва 1 мағлубият бор.