Чемпион Теофимо Лопес иштирокидаги жанг тўлиқ 12 раунд давом этди

Оқшомнинг асосий жангида биринчи яримўрта вазн тоифасида WBO чемпиони Теофимо Лопес ўз камарини даъвогар Жермейн Ортисдан ҳимоя қилди. Жангнинг еттинчи раундида боксчилар бош билан тўқнашиб кетишди ва натижада Ортиснинг чап кўз ости ёрилди. 

Таъкидлаш жоиз, бугунги жанг кутилганидан зерикарли тарзда ўтди. Тўлиқ 12 раунд давом этган чемпионлик жангида Лопес ҳакамларнинг якдил қарори билан ғалаба қозонди - 117-111, 115-113, 115-113. Ҳакамлардан бири Стив Вайсфилд қўйган баҳо (117-111) шубҳали кўринди.

CompuBox ҳисоби бўйича аниқ зарбалар статистикаси:

Лопес: 384 тадан 78 таси аниқ (21%)

Ортис: 409 тадан 80 таси аниқ (20%)