Ченду-2021, Таэквондо. Аёллар терма жамоамиз сенсация қайд этган ҳолда Кореяни мағлуб этиб, мусобақа финалига йўл олди!

Регламентга кўра, бугунги кун доирасида жамоавий баҳслар ўтказилади.

Унда Ўзбекистон эркаклар ҳамда аёллар терма жамоалари ҳам иштирок этишди. Унга кўра, эркаклар терма жамоамиз илк босқичда Корея термаси вакилларига имкониятни бой бериб, мусобақани тарк этди.

Аёллар терма жамоамиз эса ўз иштирокини АҚШ термасига қарши баҳсдан бошлади. Биринчи беллашувда мутлақо қийинчиликсиз ғалаба қозонган вакилаларимиз чорак финал беллашувида Хитой Тайпейи термасини мусобақадан чиқариб юборди. Ярим финал беллашувида эса термамизга мусобақа фаворитларидан бири Корея термаси қизлари рақиблик қилди. Қувонарлиси, ҳамююртларимиз бу баҳсда ҳам мардонавор курашиб, 34:33 ҳисобида ғалаба қозонди ва финалга йўл олди.

Эндиликда олтин медал йўлида қизларимизга мезбонлар - Хитой терма жамоаси рақиблик қилади. Баҳс Тошкент вақти билан 15:00 да бошланади. Беллашувни fisu.tv сайти ёки мобил дастури орқали томоша қилишингиз мумкин.