12 сен 19:22
Янгиликлар

Таэквондо

Чиба Гран-приси. Эртага Светлана Осипова бошлайди

13-15 сентябрь кунлари Японияда таэквондо бўйича Чиба-2019 гран-приси бўлиб ўтади.

Ушбу нуфузли мусобақада ўзбекистонлик уч нафар таэквондочи иштирок этади. Спортчиларимиз Чибадаги "Candeo hotel" меҳмонхонасига жойлашишди.

Эртага Гран-прининг илк кунида ҳамюртимиз Светлана Осипова жангларни бошлайди.

Бугун дастлабки кунги баҳсларга қуръа ташланди. Унга кўра Осипова 1/16 финалда сербиялик Ана Тепавацга қарши даянга чиқади. Ушбу жангда ғолиб чиққан таэквондочи нимчорак финалда Маристелла Смиралья (Италия) - Брисеида Акоста (Мексика) учрашуви ғолибаси билан тўқнаш келади.

Эслатиб ўтамиз, Нигора Турсунқулова 14 сентябрь, Никита Рафалович 15 сентябрь куни мусобақада иштирок этишади.

Ўзбекистон таэквондо WT ассоциацияси матбуот хизмати