22 мар 11:50
Янгиликлар

Велоспорт

Чимкент - Тошкент халқаро веломарафони ташкил этилади

30 март куни велоспорт бўйича катта марафон ташкил этилиши режалаштирилмоқда.

Пойга Чимкент - Тошкент йўналишида бўлиб ўтади.

30 март куни эрталаб соат 5:00 да иштирокчилар автобусда Тошкентдан Чимкентга йўл оладилар. Мусобақа старти айнан Чимкентда бўлади.

Соат 9:00 да эса Чимкент шаҳри ҳокимияти олдида марафон старт олади. Финиш эса Қозоғистон Республикасининг Ўзбекистондаги элчихонаси олдида бўлади. Йўналиш узунлиги 130 км ни ташкил этади. Истовчилар УШБУ ҲАВОЛА орқали рўйхатдан ўтишлари мумкин. Иштирокчилар ўз велосипедларида бўлишлари лозим.

Маълумот учун, ушбу веломарафон Ўзбекистон ва Қозоғистон велоспорт федерациялари, Тошкент ва Чимкент ҳокимияти ҳамкорлигида ташкил этилмоқда.