02 окт 13:40
Янгиликлар

Теннис

China Open. Анна Калинская иштирокини якунлади

Дунёнинг 14-ракеткаси Анна Калинская Хитой пойтахти Пекин шаҳрида давом этаётган WTA 1000 тоифасига кирувчи турнирдаги иштирокини тўхтатди.

Россиялик теннис маликаси кутилмаганда WTA рейтингида 115-поғонада бораётган украиналик Юлия Стародубцевага ютқазиб қўйди - 5/7, 0/6. Бу теннисчиларнинг ўзаро ўтказган илк учрашуви бўлди.

Тўқсон олти дақиқа давом этган баҳсда Стародубцева 1 та эйс ва 5 та брейкни амалга ошириб, 2 та қўшхатога йўл қўйди. Украиналик фаолиятида илк бор WTA 1000 турнири 1/4 финалига чиқди ва янгиланган рейтингда Топ-100`таликда дебют қилади.