Чирчиқда спортчи ёшлар иштирокида учрашув ўтказилди ФОТОГАЛЕРЕЯ

Хусусан, сана муносабати билан Ёшлар иттифоқи Чирчиқ шаҳар кенгашида ҳам Осиё ва жаҳон чемпионатлари ғолиблари, иқтидорли спортчилардан иборат ёшлар ва уларнинг мураббийлари иштирокида учрашув ташкил этилди. 

Чирчиқ шаҳар ҳокимлиги, шаҳар жисмоний тарбия ва спорт бўлими, “Адолат” СДП Чирчиқ шаҳар кенгаши депутатлари, Ёшлар иттифоқи Чирчиқ шаҳар кенгаши, болалар-ўсмирлар спорт мактаби ҳамда Чирчиқ олий танк қўмондонлик-муҳандислик билим юрти ҳамкорлигида ўтказилган мазкур учрашувда дастлаб Чирчиқ шаҳар ҳокимлигининг ёшлар ташаббускорлигини ошириш, таклиф ва муаммоларини ўрганиш, жисмоний тарбия ва спортга бўлган оммавийликни янада кенг тарғиб қилиш, иқтидорли спортчиларни  қўллаб-қувватлаш ва уларга ҳар томонлама зарур ёрдам кўрсатиш юзасидан ахбороти тингланди. 

Ўз навбатида мураббийлар ва спортчилар ҳам ўз таклиф ва ташаббусларини билдириб ўтишди. Учрашув сўнггида Чириқ олий танк қўмондонлик-муҳандислик билим юртидан таклиф қилинган харбий хизматчилар ва бир гуруҳ халқаро мусобақалар ғолиб ва совриндорларига ташкилотчилар томонидан диплом ва эсдалик совғалари берилди.  

Илҳом РАҲМОНОВ тайёрлади