Чирчиқда юнон-рум кураши бўйича халқаро турнир ўтказилди

Юнон-рум кураши бўйича Чирчиқ олимпия ва паралимпия спорт турларига тайёрлаш маркази раҳбари соврини учун ўтказилган мазкур халқаро турнирда мамлакатимизнинг барча ҳудудларидан ҳамда қўшни Қозоғистон, Қирғизистон, Тожикистон давлатларидан 500 нафарга яқин ўсмирлар иштирок этишди. 

Чирчиқ ОПСТТМда бўлиб ўтган ва юқори савияда ташкил этилган ушбу турнирда дастлаб, тантанали очилиш маросими бўлиб ўтди. Маросимида сўз олган марказ директори Равшан Гафуров мусобақа иштирокчиларни қутлар экан барча спортчиларга келажакда профессионал атлетлар қаторидан жой олишида омад тилади. Шундан сўнг беллашувларга старт берилди. 

Қизиқарли ва муросасиз ўтган мусобақа якунида ҳар бир вазн тоифасида кучли учликдан жой олган курашчилар диплом, медаль ва эсдалик совғалари билан мукофотланишди. 

Илҳом РАҲМОНОВ тайёрлади