Чироқчида кураш бўйича беллашувлар ўтказилди

Вилоят ва туман ҳокимлиги, вилоят жисмоний тарбия ва спорт бошқармаси, туман жисмоний тарбия ва спорт бўлими, 1- болалар – ўсмирлар спорт мактаби ҳамкорлигида туманда олимпия ҳаракатини ривожлантириш олимпия ва миллий спорт турларини кенг тарғиб қилиш, ёшларни олимпия ва миллий спорт турларига  жалб қилиш, аҳоли ўртасида соғлом турмуш тарзини тарғибот-ташвиқот ишлари самарадорлигини янада ошириш  мақсадида ўтказилган кураш белллашувлари  6 июль – Халқаро олимпия кунига бағишланди.  “Халқ сайли” умумиллий спорт мусобақалари доирасида ўтказилган мазкур кураш мусобақаси тўй кураши тарзида ташкил этилди. Кўп сонли мухлислар иштирокида ўтган баҳсларнинг тантанали очилиш маросимида фахрий полвонларга эҳтиром кўрсатилиб, қимматбаҳо эсдалик совғалари улашилди. Кураш шайдолари  олқишлари остида ўтган беллашувларда  эркаклар тўртта вазнда, аёллар эса иккита вазн тоифасида баҳс олиб боришди. Шунингдек, ўсмирлар ўртасида ҳам кучлилар аниқланди. Мутлоқ вазнда тоифасидаги курашда самарқандлик Бекзод Каримов қашқадарёлик Жалолиддин Шерназаровдан устун келиб, бош совринга эга бўлди.  Ҳар бир вазнда ғолибликни қўлга киритган полвонлар ташкилотчилар томонидан муносиб тақдирланди.

Илҳом РАҲМОНОВ тайёрлади