Чироқчида кураш бўйича Очиқ биринчилик ўтказилди

2019 йил – “Фаол инвестициялар ва ижтимоий ривожланиш йили” муносабати билан Чироқчи туман жисмоний тарбия ва спорт бўлими ҳамда 1-БЎСМ ташаббуси остида ташкил этилган мазкур мусобақада асосан мактаб ўқувчиларидан иборат 200 нафардан ортиқ ёш курашчилар 11 вазн тоифасида куч синашишди. 

Кун давомида ўтган муросасиз беллашувлар якунида ғолиб ва совриндор бўлган спортчи-ўқувчилар ташкилотчилар томонидан медаль, диплом ва эсдалик совғаларига эга бўлишди.

Фарҳод ЖУМАНОВ, Чироқчи туман 1-БЎСМ директори: 

- 2019 йил – “Фаол инвеститсиялар ва ижтимоий ривожланиш йили” муносабати билан ушбу мусобақани ўтказишимиздан мақсад, ўқувчилар орасида спортга бўлган оммавийликни таъминлаш, миллий спорт туримиз саналган курашни кенг тарғиб қилиш, шунингдек, яна бир мақсадимиз - айнан мактаб ёшидаги ўқувчилар орасидан кураш спорт турига қизиққан ва шу тур бўйича истеъдодли саналаган ўғил-қизларни саралаш ва терма жамоаларимиз захирасини тўлдириб боришдан иборат бўлади.  

Илҳом РАҲМОНОВ тайёрлади, ўз мухбиримиз