Чироқчида таэквондо бўйича Очиқ биринчилик ўтказилди

2019 йил – “Фаол инвестициялар ва ижтимоий ривожланиш йили” муносабати билан Чироқчи туман жисмоний тарбия ва спорт бўлими ҳамда 1-БЎСМ ташаббуси остида ташкил этилган мазкур очиқ биринчиликда 100 нафарга яқин спортчи-ўқувчилар еттита вазн тоифасида куч синашишди. 

Кун давомида ўтган муросасиз беллашувлар якунида ҳар бир вазн тоифасида ғолиб ва совриндорлар медаль, диплом ҳамда эсдалик совғаларига эга бўлишди.

Ихтиёр РИЗАҚУЛОВ, Чироқчи туман жисмоний тарбия ва спорт бўлими бошлиғи:  

- 2019 йил – “Фаол инвестициялар ва ижтимоий ривожланиш йили” муносабати билан БЎСМ очиқ биринчилигини ўтказдик. Бундан мақсад -  ўқувчилар орасида спортга бўлган оммавийликни таъминлаш, Олимпиада дастуридан ўрин олган спорт турлари, хусусан таэквондо (ВТФ)ни ёшларимиз орасида ривожлантириш, шунингдек, таэквондо (ВТФ)га ошно ўғил-қизлар орасидан истеъдодлиларини саралаш ва БЎСМ терма жамоасига жалб қилишдан иборатдир. 

Илҳом РАҲМОНОВ тайёрлади, ўз мухбиримиз