Чироқчидаги 1-БЎСМДА хайрли тадбир йўлга қўйилди ФОТО

Улар спортнинг белбоғли кураш, футбол, волейбол, шахмат, енгил атлетика, таэквондо (ВТФ), бадиий гимнастика, самбо, кураш, дзюдо турлари бўйича мунтазам машғулотларда иштирок этишяпти. 

Яратилган шарт-шароитлардан унумли фойдаланган БЎСМ тарбияланувчилари ўтказилаётган вилоят, республика ва халқаро мусобақаларда кучли учликдан жой олишга муваффақ бўлишмоқда. 

Бунга биргина мисол - таэквондо (ВТФ) спорт тури бўйича Бобур Бурхонов  қўл остида шуғулланаётган ўқувчилардан Миролим Ҳусанов (33 кг), Умид Сафаров (45 кг) ва Жалолиддин Нарзуллаевлар 16-18 ноябрь кунлари Тошкент шаҳрида 2005-2007 йилларда туғилган ўсмир ва қизлар ўртасида ўтказилган Ўзбекистон чемпионатида фахрли учинчи ўринни эгаллаб, бронза медалларига эгалик қилишди. 

Агар йўлингиз тушиб, БЎСМ яқинидан эрта тонг ўтиб қолсангиз, стадионда ёки шинам ва кўркам спорт залида эрталабки бадантарбия машғулотларини бажараётган мураббийлар, техник ходимлар ва тарбияланувчилар, ҳатто яқин атроф маҳаллаларда яшовчи ёшлар, хотин-қизлар, кексаларни кўришингиз мумкин. 

Дарвоқе, эрталабки бадантарбия машғулотларини БЎСМ директори, “Жисмоний тарбия ва спорт аълочиси” кўкрак нишони соҳиби Фарҳод Жуманов мураббийлиги остида ўтаётгани жисмоний тарбия ва спортга бўлган эътибор юқорилигидан далолат. 

Шунингдек, БЎСМда номдор спортчилар иштирокида маҳорат сабоқларини ўтказиш ҳам одат тусини олган. Шахмат бўйича Нодира Нодиржона, футбол бўйича Отабек Шукуров сингари кўплаб чемпион спортчиларнинг БЎСМга ташриф буюраётгани, тарбияланувчиларнинг спортга бўлган иштиёқини янада ошириши, чемпионлик сари дадил қадам ташлашларига туртки бўлиши бор гап. 

Илҳом РАҲМОНОВ тайёрлади, ўз мухбиримиз