Чжэнчжоу. Донна Векичда мағлубият

Бироз кутилмаганда дунёнинг 21-ракеткаси Донна Векич иккинчи давра учрашувидаёқ мағлубият аалмини тотиб кўрди. Хорватиялик теннис маликаси WTA рейтингида 43-поғонада бораётган украиналик Леся Цуренкога тай-брекларда ютқазиб қўйди - 6/7(4), 6/7(2).

Леся ўзаро учрашувлар натижасини ўз томонига оғдириб олди - 2:1. Икки соату 16 дақиқа давом этган баҳсда Векич 2, Цуренко 1 та эйс зарбасини амалга оширди. Қўшхатолар Доннада кўпроқ бўлди - 5 га 2. Иккала теннисчи ҳам бир хилда брейк қайд этишди - 3 тадан. Энди Цуренко 1/4 финалда чехиялик Барбора Крейчикова ёки хорватиялик Петра Мартичга қарши кортга чиқади.